समाजवादी पक्षाचे उत्तर अहमदनगर जिल्हाध्यक्ष जोएफ जमादार यांनी जिल्हा पोलिस अधीक्षकांना ३ मार्च २०२२ रोजी निवेदन पाठवून श्रीरामपूर शहरसह तालुक्यातील अवैध धंदे बंद करण्याची मागणी केली होती. दरम्यान, निवेदन देऊनही खुलेआमपणे अवैध धंदे सुरूच असल्याने जामदार यांनी मंगळवारपासून ( दि.22) आमरण उपोषण सुरु केले. पत्याचे क्लब, गावठी दारु विक्री, मटका, सोरट, तीन पत्यांचा खेळ (तोता मैना), अनधिकृत ऑनलाईन लॉटरी (ऑनलाइन मटका ) अशी अवैध व्यावसाय खुलेआमपणे चालु आहे. यामुळे समाजात गुन्हेगारीचे प्रमाण वाढत असून जुगारी व दारुच्या व्यसनाने अनेक कुटुंब उद्ध्वस्त होण्याच्या मार्गावर आहे. महाराष्ट्र राज्यात गुटखा विक्रीस बंदी असताना देखील गुटखा तर सर्रासपणे काही दुकानात विकला जात असल्याचे दिसून येत आहे. श्रीरामपूर शहरासह तालुक्यात सध्या मोठ्या प्रमाणात अवैध व्यावसाय चालु असल्याने गुन्हेगारांची दहशत निर्माण झालेली आहे. सर्वसामान्य नागरीक दहशत आणि भीतीच्या सावटाखाली आपले जीवन जगत असल्याने जिल्हा पोलिस प्रमुख श्री मनोज पाटील यांनी याप्रकरणी जातीने लक्ष घालुन अवैध व्यावसाय बंद करुन जनसामान्यांना न्याय द्यावा, असे समाजवादी पक्षाचे उत्तर अहमदनगर जिल्हाध्यक्ष जोएफ जमादार यांनी जिल्हा पोलिस प्रमुख यांना दिनांक ३ मार्च २०२२ रोजी पाठविलेल्या निवेदनात म्हटले होते.