साईकिरण टाइम्स ३१ जानेवारी २०२१
उक्कलगाव | प्रतिनिधी | श्रीरामपूर तालुक्यातील राजकीयदृष्ट्या प्रतिष्ठेच्या समजल्या जाणाऱ्या उक्कलगाव उपसरपंचपदी ठरल्याप्रमाणे सौ सुरेखा विकास थोरात यांची बिनविरोध वर्णी लागली आहे, सुरेखा थोरात या अर्थ बांधकाम समितीचे माजी सभापती बाबासाहेब दिघे व जिल्हा परिषद सदस्या सौ. आशाताई दिघे यांचे कट्टर समर्थक विकास रामदास थोरात यांच्या त्या पत्नी आहेत.
येथील ग्रामपंचायत कार्यालयात नुकतीच कार्यकारिणीची बैठक घेण्यात आली. एक वर्षाच्या रोटेशन पध्दतीने उपसरपंचपदाची निवड करण्यात आली. त्याप्रमाणेच सध्याच्या काळात उपसरपंचपदी रवींद्र कृष्णाजी थोरात यांनी नियमीतप्रमाणे पदाचा राजीनामा दिला. यावेळी लोकनियुक्त सरपंच नितीन थोरात यांच्या अध्यक्षतेखालील उपसरपंचपदाची निवड प्रक्रिया पार पडली. निवडणूक अधिकारी म्हणून ग्रामसेवक रमेश निबे यांनी काम पाहिले. नवनिर्वाचित उपसरपंचपदी सौ सुरेखा थोरात यांची नियुक्ती झाल्याबद्दल सत्कार करण्यात आला. यावेळी ग्रामस्थ, सर्व सदस्य, व कर्मचारी, मोठ्या संख्येने उपस्थित होते.