साईकिरण टाइम्स | ४ डिसेंबर २०२०
अखिल भारतीय अंधश्रद्धा निर्मूलन समितीची बैठक नुकतीच महाराष्ट्र राज्य कार्याध्यक्ष सुरेश झुरमुरे यांच्या अध्यक्षतेखाली ऑनलाइन पार पडली. यावेळी पश्चिम महाराष्ट्र विभाग संपर्कप्रमुख मिलिंद बागवे, मराठवाडा विभाग प्रमुख किशोर वाघ उपस्थित होते. याप्रसंगी सुरेश झुरमुरे यांनी अखिल भारतीय अंधश्रद्धा निर्मूलन समितीची भूमिका व उद्दिष्टे समजावून सांगितली. किशोर वाघ यांनी कार्यकारणी सदस्यांची जबाबदारी याविषयी मार्गदर्शन केले. मिलिंद बागवे यांनी जिल्हा कार्यकारिणी जाहीर केली. तत्पूर्वी अंधश्रद्धा निर्मूलन समितीमध्ये काम करण्यास इच्छुक असणाऱ्या अहमदनगर जिल्ह्यातील जिल्ह्यातील सर्व सदस्यांची ऑनलाईन मुलाखती घेण्यात आल्या. जिल्हा संघटक पदी भगवान जगताप, जिल्हाध्यक्ष पदी डॉ. यशवंत पाटील तर सचिव पदी श्री. गणेश सांगळे यांची सर्वानुमते निवड करण्यात आली.
जिल्हा कार्यकारणी पुढीलप्रमाणे भगवान जगताप (जिल्हा संघटक), डॉ. यशवंत पाटील (जिल्हाध्यक्ष), गोरख आळेकर (जिल्हा कार्याध्यक्ष), बाबासाहेब शेलार (उपाध्यक्ष), गणेश सांगळे (सचिव) सुदेश गायकवाड (कोषाध्यक्ष), संगीता मालकर (महिला अध्यक्ष), विशाल आठवले (युवा संघटक), रघुनाथ गायकवाड (प्रसिद्धीप्रमुख), तर कार्यकारणी सदस्य म्हणून सुनील जगधने, सतीश मुंतोडे, अविनाश कुटे पाटील, नागेश शिंदे, गणेश केंदळे, राजू काळे, योगेश महाले, नारायण डुकरे, दीपक पारखे, डॉक्टर जगदीश राठोड, संजय वारभोर यांची निवड करण्यात आली.
अहमदनगर जिल्ह्यातील सर्व तालुक्यांसाठी तालुका कार्यकारणी लवकरच जाहीर करणार आहोत तरी संघटनेमध्ये काम करू इच्छिणाऱ्या कार्यकर्त्यांनी संघटक भगवान जगताप (9922589553), जिल्हाध्यक्ष डॉ. यशवंत पाटील (8805020123) व सचिव गणेश सांगळे (9420179544) यांच्याशी संपर्क साधावा असे आवाहन जिल्हाध्यक्ष डॉ. यशवंत पाटील यांनी केले आहे.