साईकिरण टाइम्स ब्युरो, 18 एप्रिल 2020
सोनई (विनायक दरंदले) यश मित्रमंडळाच्या वतीने आज पासून २६ एप्रिल पर्यंत रोज सायंकाळी सोनईतील वयोवृद्ध,विधवा महिला, गरजू व हातावर पोट असलेल्या बाराशे व्यक्तींना जेवणाचे पाकीट देण्यास सुरुवात करण्यात आली आहे.
यश मित्रमंडळातील राजेंद्र गुगळे,मयुर बनकर, डाॅ.संपत खोसे,जयराम काळे,सुभाष शिरसाठ,देवदत्त पालवे,अनिल दरंदले,विजय मनोरे,संजय फुंदे,नितीन शेटे व मित्रमंडळाने सामाजिक बांधिलकी म्हणून रोज बाराशे जेवणाचे पाकीट देण्याचा निर्णय घेवून आज तीन पोळ्या,बटाटा भाजी व मसाला भाताचा डबा देण्यात आला.स्वयंपाक कक्षाला सहायक पोलिस निरीक्षक जनार्दन सोनवणे यांनी भेट देवून आवश्यक सुचना केली.
गावातीलबालाजीनगर,अंबिकानगर,लक्ष्मीनगर,दत्तनगर,रामझिरा,खरवंडी रस्ता व खाण परीसरात डब्यांचे वितरण करण्यात आले.डबे तयार करण्यासाठी गावातील तरुण मंडळ,ग्रामपंचायत सदस्य व राणी राजेंद्र गुगळे महिला मंडळाने परीश्रम घेतले.या उपक्रमाचे परीसरातुन स्वागत होत आहे.
जेष्ठ नेते यशवंतराव गडाख यांच्या गरजूंना घासातला घास देण्यातून मिळणारे समाधान सर्वश्रेष्ठ आहे.या शिकवणीतून हा उपक्रम हाती घेतला आहे.गरज पडल्यास हे अन्नदान अधिक दिवस वाढविण्यात येईल.
- राजेंद्र गुगळे,सदस्य यश मित्रमंडळ
सामाजिक भान ठेवत यश मंडळाने हाती घेतलेला उपक्रम स्तुत्य आहे.अन्न शिजविणे,पार्सल करणे व वितरणकरीता घेत असलेली काळजी महत्वपूर्ण आहे.
- सुनिल गडाख,सभापती अर्थ व पशुसंवर्धन
यश मंडळाने दिलेल्या जेवणाचे खाण झोपडपट्टी येथे वाटप करण्यात आल्यानंतर तेथील गरजू महिलांनी सोशल डिस्टन्सिग ठेवत पंगत करुन जेवणाचा अस्वाद घेत यश मंडळाच्या सदस्यांना धन्यवाद दिले.अन्य भागातही या उपक्रमाचे स्वागत झाले आहे.
- सचीन पवार,ग्रामस्थ,खाण- झोपडपट्टी