साईकिरण टाइम्स ब्युरो,25 मार्च 2020
सोनई |किरण शेलार |शनिशिंगणापुर देवस्थानच्या चारशे वर्षाच्या इतिहासात प्रथमच गुढीपाडव्याला स्वयंभू शनिमुर्तीवर कावडीचे पाणी पडणार नाही.
देवस्थान सुरक्षा विभागाने कोरोना संसर्गाची
काळजी म्हणून काशी(वाराणसी)येथून गंगेचे पाणी घेवून आलेल्या सर्व भक्तांना नगर-औरंगाबाद राजमार्गावर अडवून हे पाणी स्वयंभू शनिमुर्तीवर टाकता येणार नाही.असे सांगून सर्वांना त्यांच्या घरी काढून दिले.या शिवाय प्रवरासंगम येथून कुणीही
कावडीचे पाणी आणू नये असे आवाहन सुरक्षाधिकारी गोरख दरंदले यांनी सांगितले.
संपुर्ण गुढीपाडवा सोहळा रद्द केलेला असून महंत त्रिबंक महाराज यांच्या हस्ते आरती सोहळा होणार आहे.या आरती सोहळ्यास कुणासही परवानगी असणार नाही.असे जनसंपर्क अधिकारी अनिल दरंदले यांनी सांगितले.