श्रीरामपूर : श्रीरामपूर सार्वजनिक उप-विभाग ( जिल्हा : अहमदनगर ) येथे अनेक वर्षापासून शाखा अभियंता म्हणून कार्यरत असणारे परंतु, राजकीय हस्तक्षेप असल्याने उप-अभियंता म्हणून कार्य करणारे नितीन गुजरे यांची वाड़ा जिल्हा पालघर या ठिकाणी नियुक्ती १ वर्षापासून देण्यात असताना त्या ठिकाणी हजर न होता श्रीरामपूरलाच उप-अभियंता म्हणून कार्यरत राहून अनेक कामामध्ये तफावत ठेवून मोठ्या प्रमाणात भ्रष्टाचार करून जनतेच्या पैसावर डल्ला मारणाऱ्या नितिन गुजरेंवर कड़क कार्यवाही करून वाडा मध्ये तत्काळ बदली करण्यात यावी, अन्यथा २६ जानेवारीला 'छावा ब्रिगेड'च्या वतीने आझाद मैदान येथे तीव्र स्वरूपाचे आंदोलन छेडण्याचा इशारा 'छावा ब्रिगेड'चे संस्थापक अध्यक्ष विश्वनाथ वाघ, प्रदेश महासचिव राहुल रेले, उत्तर महाराष्ट्र अध्यक्ष राजाराम शिंदे यांनी दिला आहे. यासंदर्भात मुख्यमंत्र्यांना निवेदन दिले आहे.
नितीन गुजरे यांनी श्रीरामपूर येथेच भ्रष्टाचार करण्यासाठी तळ ठोकून कार्यरत राहिले. उपविभागात कार्यरत असताना ठेकदारासोबत हात मिळवणी करून मोठ्या प्रमाणात भ्रष्टाचार केला. त्यांच्या मर्जीतील ठेकेदारास कामे देऊन नित्कृष्ठ दर्जाची कामे केली थातूरमातूर कामे करून बिले काढण्यात आली असल्याचा आरोप 'छावा ब्रिगेड'च्या पदाधिकाऱ्यांनी केला आहे.
नितीन गुजरे यांच्या माध्यमातून झालेल्या कामाची आपल्या स्तरावरून आमच्या समक्ष कोर टेस्टिंग करावी. संबंधित अधिकाऱ्यावर दहा दिवसाच्या आत कडक करावी
व त्यांची जिल्हा बाहेर अथवा वाडा जिल्हा पालघर येथे त्वरित रवानगी करा,अन्यथा तीव्र स्वरूपाचे आंदोलन २६ जानेवारी करण्याचा इशारा 'छावा ब्रिगेड'चे संस्थापक अध्यक्ष विश्वनाथ वाघ, प्रदेश महासचिव राहुल रेले, उत्तर महाराष्ट्र अध्यक्ष राजाराम शिंदे यांनी मुख्यमंत्र्यांना दिलेल्या निवेदनात दिला आहे.