साईकिरण टाइम्स | 21 ऑक्टोबर 2020
वडाळा महादेव [ राजेंद्र देसाई ] श्रीरामपूर तालुक्यातील वडाळा महादेव येथील नेवासा रोड वरील श्रीक्षेत्र रेणुका देवी आश्रम म्हणजेच माहूर निवासीनी श्री रेणुका देवी शिव आणि शक्ती अधिष्ठान भाविकांचे श्रद्धास्थान निर्माण झाले आहे.
चार दशकापासून सालाबादप्रमाणे या ठिकाणी वर्षभर सतत विविध धार्मिक उत्सव साजरा करण्यात येत असतो सध्या संपूर्ण देशात करोणा महामारी आजाराने थैमान घातले असून याचा प्रादुर्भाव तसेच संक्रमण रोखण्यासाठी शासनस्तरावर विविध उपाययोजना सुरू आहेत यामध्ये प्रशासनाकडून धार्मिक ठिकाणी विविध निर्बंध करण्यात आले आहे तरी यामध्ये शारदीय नवरात्र उत्सवास येथील श्री रेणुकादेवी मंदिरामध्ये भाविकांच्या दृष्टीने विविध उपाययोजना करून दर्शन सुलभ होण्यासाठी सभामंडपामध्ये भाविकांना दुरूनच दर्शन घेता येईल अशी व्यवस्था मंदिर व्यवस्थापन समिती यांनी शासकीय आदेशाचे पालन करत केली आहे.वडाळा महादेव गावात स्वयंभू त्र्यंबकेश्वर मंदीर असल्याने पार्वती स्वरूप रेणुका येथे विराजमान झाला आहे.श्री रेणुका देवी नवसाला पावणारी असूप याची प्रचिती हजारो भाविकांना आली आहे. याठिकाणी शारदीय नवरात्र उत्सव मोठ्या प्रमाणावर साजरा करण्यात येत असतो तरी यंदा कोरोणा महामारी आजारामुळे याठिकाणी नैमित्तिक धार्मिकविधी शासकीय नियमाप्रमाणे करण्यात येत आहेत दे.भ.प. देवीभक्त महंत रेवननाथ महाराज यांच्या अथक प्रयत्नातून याठिकाणी तीन शिखर असलेले श्री रेणुका मातेचे भव्य मंदिर निर्माण झालेआहे. श्री रेणुका देवी यांचे स्थान तळघरामध्ये करण्यात आले आहे भाविकांना दर्शनासाठी भुयारी मार्गाने दर्शनासाठी सुलभ व्यवस्था करण्यात आली आहे तसेच सभामंडपामध्ये श्री गणेश तसेच श्री रेणुकादेवी श्री गजानन महाराज शिर्डी येथील श्री साईबाबा यांची मूर्ती असुन भाविकांना सर्व देवतांचे एका ठिकाणी दर्शनासाठी व्यवस्था करण्यात आली आहे तसेच सभामंडपामध्ये यज्ञकुंड तयार करण्यात आला आहे याठिकाणी होम हवन करण्यात येत असते प्रवेशद्वारासमोरच मोठी दीपमाळ आहे याठिकाणी धार्मिक कार्यक्रम प्रसंगी दीपोत्सव करण्यात येत असतो तालुक्यातील मोठे श्रद्धास्थान निर्माण झाले आहे आश्रमाच्या माध्यमातून सतत वर्षभर विविध धार्मिक कार्यक्रम म्हणजेच गुरुपोर्णिमा उत्सव शारदीय नवरात्र उत्सव दत्त जयंती उत्सव तसेच विविध राज्यातून येणाऱ्या व जिल्हा तसेच तालुक्यातून श्रीक्षेत्र पैठण तसेच श्री क्षेत्र शिर्डी येथे जाणाऱ्या पायी दिंडी सोहळ्याचे याठिकाणी स्वागत करून भाविकांची व्यवस्था तसेच अन्नदान करण्यात येत असते ह-भ-प देवीभक्त महंत रेवननाथ महाराज यांचे मार्गदर्शनाखाली विश्वस्त प्रा अॅड.आदिनाथ जोशी प्रयत्नशील असतात तर रेणुका देवी यांचे दैनंदिन नैमित्तिक पूजन तसेच गोशाळा असुन गोपूजन तसेच विविध देवतांचे पूजन विधि आईसाहेब सौ नलिनी जोशी तसेच सौ आदिती जोशी पार पाडत असतात. आश्रमामध्ये परिसर स्वच्छ व सुंदर असून विविध वृक्षवेली यांनी सजलेला आहे याठिकाणी मन प्रसन्न करणारे वातावरण निर्माण झाले आहे त्यामुळे येथे वर्षभर सतत भाविकांची मोठ्या प्रमाणावर गर्दी होत असते तसेच श्री रेणुका देवी यांच्या दर्शनाचा व कृपा प्रसादाचा लाभ भाविकांना मिळत असतो त्यामुळे हजारो भाविकांचे वडाळा महादेव येथील श्री रेणुका देवी शिव आणि शक्तीचे अधिष्ठान समजले जात आहे.