उपांत्य फेरीच्या लढतीत नागपूर विभागा विरुद्ध एकतर्फी झालेल्या सामन्यात पुणे विभाग संघाने २५-०८ व २५-१० ने विजय मिळवून अंतिम सामन्यात प्रवेश केला.कोल्हापूर विभागाविरुद्ध झालेल्या अंतिम सामन्यात देखील पुणे विभाग संघाने व्हॉलीबॉल खेळामध्ये राज्यात आपले वर्चस्व सिद्ध करताना कोल्हापूर संघाचा २५-०८,२५-१० व २५-०८ ने पराभव करून ७ व्या वेळेस राज्य स्पर्धेचे विजेतेपद पटकावले.
विजेत्या संघाकडून उपज्ञा कारले,सानिका केळकर,अन्वी गोसावी,संजना गोठस्कर,उमा सायगावकर,आहाना ठकार,सई जगताप,सुप्रिया कोंडे,सौमिनी बॅनर्जी,मालविका फडके,गीत सागजकर ,रुजुता डोंगरे यांनी उत्कृष्ट खेळाचे प्रदर्शन केले. विजयी संघास राष्ट्रीय प्रशिक्षक श्री कुलदीप कोंडे,श्री सचिन चव्हाण यांचे मार्गदर्शन लाभले.संस्थेचे संचालक श्री अन्वित फाठक आणि अंचिता मॅडम यांनी सर्व खेळाडूंचे अभिनंदन केले व शुभेच्छा दिल्या.