साईकिरण टाइम्स ब्युरो, 9 ऑगस्ट 2020
श्रीरामपूर | दैनिक राष्ट्र सह्याद्रीचे पत्रकार भरत थोरात यांना जीवे मारण्याची धमकी दिल्याप्रकरणी शहर पोलीस ठाण्यात गणपत सखाहरी पवार (रा. उक्कलगाव, ता-श्रीरामपूर) या वाळूतस्काराविरोधात गुन्हा दाखल करण्यात आला आहे.
श्रीरामपूर तालुक्यातील उक्कलगाव येथील पत्रकार थोरात हे काल सकाळी येथील एका हाॅटेलत उभे असता चहा पिऊन तेथून जात असताना आरोपी वाळूतस्कार गणपत सखाहरी पवार याने, आमच्या विरूध्द वाळूच्या बातम्या छापतो का? 'तुझे हात पाय तोडू', 'तू बेलापूर व श्रीरामपूरला ये', असे म्हणत जीवे मारण्याची धमकी दिली. याप्रकरणी पत्रकार थोरात यांनी दिलेल्या फिर्यादीवरून शहर पोलिसात अदखलपात्र गुन्हा दाखल करण्यात आला आहे. दरम्यान, काल सायंकाळी उशिरा पोलिसांनी आरोपीस शोधाशोध केली असता मिळून आलेला नाही. याप्रकरणी अधीक तपास हेड काॅ रामेश्वर ढोकणे करत आहेत.