साईकिरण टाइम्स ब्युरो, 14 एप्रिल 2020
नेवासा (दादा दरंदले) -भारतरत्न डॉ. बाबासाहेब आंबेडकर यांची मंगळवार, १४ एप्रिल रोजी जयंती साजरी होत आहे. दरवर्षी देशात मोठ्या उत्साहाच्या वातावरणात भारतरत्न डॉ. बाबासाहेब आंबेडकर यांचा जयंती सोहळा साजरा होतो. मात्र, यंदा देशभरात लॉकडाऊन असल्याने यावर्षी भारतरत्न डॉ. बाबासाहेब आंबेडकर यांचा जयंती सोहळा घरीच साजरा करा मी देखील माझ्या परिवारासोबत घरी साजरी केली आहे.
कोरोना विषाणूचा प्रादुर्भाव रोखण्यासाठी देशभरात लॉकडाऊन करण्यात आले आहे. कोरोनाचा संसर्ग टाळण्यासाठी घरात राहणे, हाच एकमेव आणि आपल्या हातात असलेला उपाय आहे. त्यामुळे राज्य शासनाने ३० एप्रिल २०२० पर्यंत लॉकडाऊन वाढविण्याचा निर्णय घेतला आहे.
त्यामुळे नेवासा तालुक्यातील सर्व नागरिकांनी भारतरत्न डॉ. बाबासाहेब आंबेडकर जयंतीनिमित्त यावर्षी सार्वजनिक स्वरूपाचे कार्यक्रम आयोजित न करता घरीच जयंती साजरी करावी. घरामध्ये भारतरत्न डॉ. बाबासाहेब आंबेडकर यांच्या प्रतिमेचे पूजन करून त्यांना अभिवादन करावे, असे आवाहन युवा नेते रवी आल्हाट यांनी केले आहे. त्यांनी घरी जयंती साजरी करत डॉ बाबासाहेब आंबेडकर यांना अभिवादन केले आहे त्या वेळी त्यांच्या मातोश्री सौ कमल आल्हाट उपस्थित होत्या.