नेवासा : सुरक्षा हटवण्याबाबत मृद व जलसंधारण मंत्री शंकरराव गडाख यांचे प्रशासनाला पत्र
साईकिरण टाइम्स ब्युरो, 27 मार्च 2020
नेवासा | दादा दरंदले | संचारबंदीच्या काळात सुरक्षेसाठी पोलीस यंत्रणेवरील वाढता ताण लक्षात घेता मृद व जलसंधारणमंत्री नामदार शंकरराव गडाख यांनी स्वत: आपली पोलीस सुरक्षा हटविण्याचे पत्र नगर जिल्हा पोलिस अधीक्षकांना दिले आहे.
देश व राज्य कोरोनाचा संकटाचा सामना करीत आहे. मुख्यमंत्र्यांनी राष्ट्रहितासाठी राज्यात संचारबंदी लागू केली आहे. त्यामुळे माझ्या सुरक्षेसाठी असलेले पोलीस कर्मचारी व ते वापरत असलेले पोलीस वाहन कोरोनाचा प्रादूर्भाव रोखण्यासाठी करण्यात येणाऱ्या उपाययोजनेत वापरण्यास परवानगी देत असल्याचे पत्राद्वारे शंकरराव गडाख यांनी सांगितले आहे.