पालिका प्रशासनाने मोकाट कुत्रे पकण्याची मोहीम हाती घेतल्याचे जोएफ जमादार यांनी सांगितले. सध्या श्रीरामपूर शहरात मोकाट कुत्र्यांनी हैदोस घातला होता. मोकाट कुत्र्यांमुळे नागरिक भयभीत झाले आहेत. नुकतेच एका बालकास या मोकाट कुत्र्यांची चावा घेवून गंभीर जखमी केले होते. या मोकाट कुत्र्यांच्या चावण्याने निरपराध नागरिकांना जीवीतास काही बरे वाईट झाले तर याची जबाबदारी कोणाची ? नगरपालिका प्रशासन ही जबाबदारी घेणार का ? असे सवालही जमादार यांनी उपस्थित केले होते.
मोकाट कुत्र्यांचा आठ दिवसात योग्य तो बंदोबस्त करावा, अन्यथा शहरातील मोकाट कुत्र्यांना नगरपालिका कार्यालयाच्या आवारात सोडून देऊ ,असा इशारा समाजवादी पार्टीचे उत्तर अहमदनगर जिल्हाध्यक्ष जोएफ जमादार यांच्यासह आसिफ तांबोळी, अय्युब पठाण, इमरान शेख, एजाज़ शाह, ज़करिया सैय्यद, अरबाज़ क़ुरैशी,शहेजाद शेख, दानिश शेख, निसार शेख, दानिश शाह,रफीक शेख, रियाज़ शेख आदींनी दिला होता.