साईकिरण टाइम्स | ९ फेब्रुवारी २०२१
बेलापूर (प्रतिनिधी ) राजकीयदृष्ट्या महत्वाची समजल्या जाणाऱ्या श्रीरामपूर तालुक्यातील बेलापूर बु. ग्रामपंचायतीच्या सरपंचपदी महेंद्र जगन्नाथ साळवी यांची बिनविरोध तर अभिषेक खंडागळे हे अकरा विरुध्द सहा मतानी विजयी घोषीत करण्यात आले.
साळवी यांचा एकमेव अर्ज आल्याने निवडणूक निर्णय अधिकारी बाबासाहेब गोसावी यांनी सरपंचपदी साळवी व उपसरपंचपदी खंडागळे यांच्या नावाची घोषणा केली. बेलापूर ग्रामपंचायतीच्या १७ जागेकरीता झालेल्या निवडणूकीत गावकरी मंडळाला ११ तर जनता विकासा अघाडीला सहाच जागा मिळाल्या होत्या. सरपंच निवडीत काही गडबड होणार नाही ,याची गावकरी मंडळाने पुरेपुर खबरदारी घेवुन सर्व सदस्यांना सहलीला पाठविले होते. त्यानंतर भास्करराव खंडागळे यांच्या निवासस्थानी पदाधिकारी कार्यकर्ते यांची बैठक झाली. गावकरी मंडळाचे श्रेष्ठी जि प सदस्य शरद नवले, भाजपाचे सुनिल मुथा, भास्करराव खंडागळे, भाजपा ओबीसी प्रांत उपाध्यक्ष प्रकाश चित्ते, आर पी आय उत्तर नगर जिल्हाध्यक्ष सुरेंद्र थोरात, उपसभापती बाळासाहेब तोरणे, रणजीत श्रीगोड, प्रकाश पा नाईक, जालींदर कुर्हे, रावसाहेब अमोलीक, हाजी ईस्माईल शेख, साहेबराव वाबळे आदिंनी चर्चा करुन राखीव जागेकरीता निवडून आलेल्या महेंद्र साळवी, रमेश अमोलीक, स्वाती अमोलीक ,मीना साळवी या चारही जणांना पंधरा महीने सरपंच पद देण्याचे सर्वानुमते ठरले. त्यानुसार महेंद्र साळवी यांनी सरपंच पदाकरीता अर्ज दाखल केला सरपंच पदाकरीता एकच अर्ज आल्याने त्याना सरपंच म्हणून बिनविरोध घोषीत करण्यात आले. उपसरपंच पदाकरीता अभिषेक खंडागळे व खटोड पतसंस्थेचे चेअरमन रविंद्र खटोड याचे अर्ज दाखल झाल्याने निवडूक घेण्यात आली. त्यात अभिषेक खंडागळे यांना अकरा मते मिळाली खटोड यांना सहा मते मिळाली.
गावकरी मंडळाने बोलविलेल्या बैठकीस प्रफुल्ल डावरे, पुरुषोत्तम भराटे, अकबर टिन मेकरवाले, विशाल आंबेकर, भास्कर बंगाळ , मोहसीन सय्यद , सुधाकर खंडागळे, संजय गोरे , सुभाष अमोलीक, बाळासाहेब दाणी, अनवर सय्यद ,अजीज शेख , नवाब सय्यद , बबलु कुर्हे, जिना शेख, जाकीर शेख ,उमर शेख, सुरेश अमोलीक, सचिन वाघ, शशीकांत तेलोरे, सागर ढवळे, रत्नेश गुलदागड ,रमेश काळे ,यादव काळे, हेमत मुथा आदी उपस्थित होते. निवडणूक निर्णय अधिकारी म्हणून बाबासाहेब गोसावी यांनी काम पाहीले . त्यांना ग्रामसेवक राजेश तगरे व कामगार तलाठी कैलास खाडे यांनी सहाकार्य केले. यावेळी पोलीस उपनिरीक्षक कृष्णा घायवट हवालदार अतुल लोटके पोपट भोईटे आदिंनी चोख बंदोबस्त ठेवला.